Kl. 14.30 í dag var nýja 7 MW vélin fösuð við net í fyrsta sinn.  Þar með er búið að framleiða fyrstu kWh.  Gamla vélin, 5,7 MW var tekinn úr rekstri 3 ágúst s.l., sem þíðir að á meðan verið var að skipta milli véla liðu rúmir 49 sólahringar.  Nú fara í hönd fekari prófanir á búnaði vélarinnar, einkum svokallaðar útslátarprófanir á mis miklu álagi og einnig próanir í eyjarekstri.

Til að trufla notendur sem minnst, þá verða prófanir sem valda straumleysi hjá notendum gerðar að nóttu til.  Fyrirhugað er að framkvæma þær aðfaranótt föstudags.  Að afloknum prófunum sem ætti að geta orðið í nætu viku, þá afhendir framleiðandinn vélina formlega tilbúna til rekstrar.

Orkusvið 21. sept 2011
Sölvi R Sólbergsson

Þessa dagana standa yfir prófanir á nýrri vél í Mjólkárvirkjun. Af þeim sökum má búast við rafmagnstruflunum á Vestfjörðum aðfaranótt föstudagsins 23. september.

Í gær 18. ágúst var 7 MW rafali(mynd 1) fyrir nýja vélasamstæðu í Mjólká hífður inn í stöðvarhúsið.  Vandasöm aðgerð því rafalinn var samsettur með kasthjóli sem vissulega sparaði tíma á verkstað í samsetningu, en gerði það að verkum að þunginn var þeim mun meiri og er rafalinn 45 tonn.  Þótt aðstæður væru góðar fyrir hífingu. þ.e. að kraninn gat verðið eins nánast húsinu og hentaði og gatið í þakinu uppvið gaflinn að innanverðu, þá þurfti minn þrefalda lyftigetu m.v. þungann sem átti að hífa.  150 tonna krani hefði hentað vel, en sá sem kom gat lyft 200 tonnum.  Slíkur krani er það þungur fyrri vegina, að 30 tonna lóð sem fylgdu honum voru flutt með tveimur auka bílum.

Sjálf hífingin var vandasöm því rafalinn var fluttur í láréttri stöðu.  Kraninn var útbúinn tveimur krókum sem hífðu jafnt rafalann uppí góða hæða og síðan slakað á krók í neðri enda hans.  Sjá mynd 2.  Á mynd 3 er búið að flytja krókinn til að hífa í eyra á móti hinum króknum í efri endanum og þannig hægt að koma rafalanum í lóðrétta stöðu í eins og sagt er í "lausu lofti".  Eftir það varð að slaka rafalnum niður á bráðabyrgða undirstöður utandyra, sjá mynd 4.  Þá gafst tækifæri til að sameina báðar stroffurnar á einn krók, því loka hífingin inn í hús og niður á vélaundirstöðurnar(mynd 5),  varð að vera eins nákvæm og kraninn bauð uppá.  Á mynd 6 sést vel öll hlutföll.  Toppurinn á krananum er í 30 metra hæð, húsið rúmlega 10 metrum og hæð rafala 5 metrar.   

Af framkvæmdinni sjálfri er það að segja að verkið er á áætlun.  6 september er áætlað að svokölluð þurrprófun vélarinnar geti hafist og um og eftir 15 sept verði hægt að fylla vatn á pípu og vél og þar á eftir frekari prófanir sem allar eiga vera yfirstaðnar í september. 

Orkusvið
Sölvi R Sólbergsson

Verðskrá OV fyrir raforkusölu hækkar um 2,8% frá og með 1. júlí 2011.
Þetta gildir um alla liði verðskrárinnar nema ótryggða orku.

Þessi hækkun verðskrár er nauðsynleg til þess að mæta hækkun á heildsölugjaldskrá Landsvirkjunar um 2,8% frá 1. júlí.

Þrátt fyrir þessa hækkun verður Orkubú Vestfjarða áfram með eitt lægsta auglýsta raforkuverð á landinu.

Verðskrá OV fyrir raforkusölu má finna hér.

Aðalfundur Orkubús Vestfjarða ohf. var haldinn á Ísafirði 9. maí 2011.

 

Orkubú Vestfjarða aflar sér raforku á samkeppnismarkaði og dreifir henni um eitt erfiðasta dreifisvæði landsins. Þrátt fyrir erfiðar aðstæður er raforkuverð á Vestfjörðum, verðið að meðtöldum flutnings og dreifingarkostnaði, eitt hið lægsta í landinu.
Engu að síður er orkukostnaður heimila og fyrirtækja er hærri á Vestfjörðum en víðast annars staðar á landinu, þrátt fyrir lágt rafmagnsverð, og er ástæðan sú að Vestfirðingar hafa ekki aðgang að ódýrari orkugjöfum en rafmagni til húshitunar. Það er mikilvægt að þessi búsetumismunun verði jöfnuð og meira fé renni til niðurgreiðslna á húshitunarkostnaði þar sem ekki er að finna ódýra orkugjafa til húshitunar.
Það er talsvert kostnaðarsamara að dreifa raforkunni í dreifbýli heldur en þéttbýli og greiða íbúar í dreifbýli töluvert hærra verð fyrir dreifingu raforkunnar þrátt fyrir niðurgreiðslur úr ríkissjóði. Það er réttlætismál að þessar niðurgreiðslur verði auknar þannig að raforkuverð verði það sama í þéttbýli og dreifbýli.

...
Meira