Orkub� Vestfjar�a - Tilkynningar

Var��!

Thu, 16 Feb 2012 10:51:00 +0000

Vegna mikilla snjóalaga víða á hálendi,
vill Orkubú Vestfjarða benda á eftirfarandi:

þó svo að mikinn snjó hafi nú tekið upp í byggð,
er ennþá mikill snjór víða til fjalla.

Þess vegna þurfa þeir sem ferðast að
vetrarlagi utan alfaraleiða að sýna sérstaka aðgát.

Háspennulínur eru ekki alltaf sýnilegar vegna snjóa og slæms skyggnis.

Eins getur fjarlægð upp í leiðara orðið hættulega lítil í miklum snjó.

Í miklu fannfergi minnkar bilið frá jörðu að línu og einnig er hætta á að ísing á línum leiði til þess að línurnar sigi mikið. Við allra verstu aðstæður liggja leiðarar alveg niður í snjó.

Við þessar aðstæður, þegar bilið milli yfirborðs og línu er orðið þetta lítið, skapast hættuástand og lífsnauðsynlegt að gæta ýtrustu varúðar.

Því er skíða-, vélsleða-, jeppafólk og aðrir, sem eru á ferð um fjalllendi, beðnir um að gæta varúðar.

Góð regla er að athuga áður en lagt er af stað, hvort og þá hvar háspennulínur liggja um það svæði sem ferðast skal um.

Ef einhver verður var við að háspennulína sé of nálægt yfirborði eða eitthvað annað sé athugavert við línuna, þá skorum við á viðkomandi að hafa strax samband við okkur hjá Orkubúi Vestfjarða.

Or�sending til orkunotenda � Holtahverfi

Wed, 01 Feb 2012 12:06:00 +0000

Þessa dagana stendur yfir álestur í Holtahverfi á Ísafirði og eru orkunotendur beðnir að sjá til þess að aðgengi sé tryggt að orkumælum.

Víða er talsverður snjór fyrir kyndiklefum.

Orkunotendum ber að sjá til þess að gott aðgengi sé að orkumælum.

Fjármálasvið Orkubús Vestfjarða ohf

Rafmagnstruflanir � �safir�i

Thu, 26 Jan 2012 23:02:00 +0000

Í kvöld kl. 22:38 leystu út tveir háspennurofar í deilistöð Orkubúsins í Mánagötu. Við þetta fór rafmagn af hluta eyrarinnar á Ísafirði sem og Hnífsdalur. Rafmagn var aftur komið á kl. 22:45.
Kl. 23:42 leystu sömu rofar út og fyrr um kvöldið með sömu afleiðingum og voru settir inn aftur kl. 23:50. Komið hefur í ljós að orsök útleysingar má rekja til bilunnar í búnaði í spennistöð sem staðsett er í Bolungarvíkurgöngum. Vegna þessa er annar spennir af tveimur í göngunum úr rekstri og full lýsing ekki á nema helmingi ganganna.

Fr�ttir af endurkomu rafmagns.

Thu, 26 Jan 2012 20:59:00 +0000

Rafmagn kom á flesta bæi í Árneshrepp upp úr kl.18:00. Það voru nokkrir hraustir karlar í hreppnum höfðu gert við línur til bráðabirða. Þeir skoðuðu og fóru með línum til að kanna skemmdi, fyrir okkur. Línan er þónokkuð skemmd við Gjögur, og er því straumlaus, þar er að vísu enginn ábúandi. Flugvöllurinn er því líka rafmagnslaus, Ísavía sér um að keyra ljósavél fyrir sína starfsemi. Starfsmenn frá Hólmavík eru komnir norður í hrepp, þeir fóru norður Trékyllisheiði að Melum á snjósleðum.
Rafmagn kom á Hrófberg sem er bær í Steingrímsfirði um kl.19:30
Í Ísafjarðardjúpi er enn rafmagnslaust í Vigur og Hvítanesi ásamt endurvarpsstöðinni sem er innan við Ögurnes, frá kl.9:00 í gær. Vinnuflokkur á skammt eftir að bilunarstað nú kl. 21:15. Gert er ráð fyrir að rafmagn komist þar á í nótt.

Straumlaust er � �rneshrepp.

Wed, 25 Jan 2012 14:08:00 +0000

Í dag varð straumlaust norðan Steingrímsfjarðar kl. 14:40. Farið var strax í að athuga hvað væri að. Komið var rafmagn á Bjarnafjörð og Drangsnes kl 15:30 einnig kom rafmagn á Djúpuvík og að Bæ Árnehrepp skömmu síðar.
Bilun er á Gjögurálmu ófundin, brotinn staur og slit er skammt frá Melum. Rafmagn fer nú frá Hólmavík um sæstreng yfir Steingrímsfjörð til þeirra sem hafa rafmagn norðan við Hólmavík. Nú er rafmagnslaust í Árneshrepp norðan við Bæ. Mikil ísing er á svæðinu, mikið hefur snjóað og mjög mikill vindur. Veðurútlit er þannig að varla verður gert við þessar bilannir fyrr en á morgun þegar veður skánar.
Á sama tíma slitnuðu a.m.k. tveir vírar í aðallínu sem liggur frá Hólmavík að Stakkanesi sem er fæðilína fyrir Djúp og Árneshrepp. Af þessum sökum er núna einn bær straumlaus ásamr útihúsum.

Rafmagnsleysi � S��av�k

Wed, 25 Jan 2012 13:19:00 +0000

Í morgun kl 11:52 sló út Súðavíkurlína. Reynd var ein árangurslaus innsetning. Íbúar í Súðavík og Álftafirði öllum voru án rafmagns í um 25 mínútur. Rafmagn er nú keyrt með varaaflsvélum og frekari innsetning eða skoðun línunnar bíður betra veðurs.

Rafmagnslaust � �safjar�ardj�pi.

Wed, 25 Jan 2012 11:07:00 +0000

Straumlaust varð í Vigur, Hvítanesi ásamt síma endurvarpsstöð í morgun kl.9.00 Starfsmenn frá Hólmavík fóru af stað til um kl.11:00, voru þeir komnir í Ögur um kl.14:00 fundu þar slit á línunni sem liggur frá Ögri og úteftir, starfsmenn gátu ekki gert við vegna veðurs. Verður nú beðið eftir að veður skáni svo hægt sé að gera við.

�tsl�ttur � Patreksfjar�arl�nu og Bar�astrandal�nu.

Tue, 24 Jan 2012 13:45:00 +0000

Kl. 08:35 í morgun varð útsláttur á Barðastrandarlínu í aðveitustöð Patreksfirði og Patreksfjarðarlínu í aðveitustöð Keldeyri.

Rafmagn var allstaðar komið á aftur kl. 08:40.

Orsök truflunar er að öllum líkindum seltu og snjósöfnum á landtak sæstrengjanna á Þúfneyri.

�tsl�ttur � Su�arv�kurl�nu.

Tue, 24 Jan 2012 10:33:00 +0000

Súðavíkurlína fór út í morgun kl. 10:22. Orsök útsláttar ókunn. Línan sett inn strax aftur.

Rafmagnsleysi � Vestfj�r�um og v��ar

Tue, 10 Jan 2012 21:32:00 +0000

Rafmagn fór af víðast hvar á Vestfjörðum kl. 18:30. Orsökin var truflun í flutningskerfi Landsnets sem olli víðtæku rafmagnsleysi á landinu. Rafmagn var komið á aftur um kl. 19:00.