Útleysing varð á Breiðadalslínu 2 kl. 02:15 sem hafði í för með sér rafmagnsleysi í Dýrafirði og í norðanverðum Arnarfirði. Talið er að ísing á línunni hafi valdið útleysingunni. Rafmagn var komið á allsstaðar kl. 02:35.

 

Útleysing varð á Bolungarvíkurlínu 1 rétt eftir miðnætti aðfararnótt  31. október. 

Bolungarvíkurlína 1  liggur frá Breiðadal í Önundarfirði til Bolungarvíkur.  Vegna veðurs var ekki hægt að ljúka við skoðun línunnar fyrr en 4. nóvember og kom þá í ljós að töluverðar skemmdir höfðu orðið á línunni á svokallaðri Hestakleif. 

Hestakleif, í um 700m hæð,  liggur vestan við Kistufell þar sem línan fer upp af Botnsheiði yfir í Syðridal í Bolungarvík og er án efa eitt erfiðasta línustæði landsins.  Þarna geta skapast mjög erfiðar aðstæður,  mikil vindhæð, sviptivindar og ísing.  Ísing á leiðara í þessari bilun mældist mest um 50 cm að þvermáli.  Þrír staurar og þrjár slár eru brotnar, einangrarar brotnir auk skemmda á leiðara. 
Áætlað er að hefja viðgerð um leið og lokið er við að ryðja snjó af vegslóða og opna sneiðing upp fjallið.

Vegna mistaka við vinnu starfsmanna Landsnets í Mjókárvirkjun varð rafmagnslaust útfrá Mjólkárvirkjun kl. 11:26 í um 10 mín.

Kl. 13:20 var grafið í 12 kV háspennujarðstreng frá aðveitustöð Stórurð að deilistöð Mánagötu.  Rafmagn var komið á aftur eftir um 10 mín. með varaleiðum.  Unnið er að viðgerð.

Hrafnseyrarlína leysti aftur út kl. 16:59. Rafmagn komst aftur á um kl. 17:07. Þingeyri er nú tengd í gegnum varaleið.