Rafmagn fór af norðanverðum vestfjörðum í gærkveldi þegar Mjólkárlína Landsnets sló út kl 21:27.
Rafmagnslaust varð vegna þessa í Önundarfirði, Súgandafirði, Ísafirði, Bolungarvík og Álftarfirði.  Rafmagnslaust var  í  um 7  mínútur.

Einnig hafa verið rafmagnstruflanir á Ströndum.  Miklar truflanir byrjuðu á Drangsneslínu um kl. 20:00.  Ísing var og mikil hreyfing á línunni.  Árneshreppur var án rafmagns í um klukkustund og varaafl keyrt á Drangsnesi um tíma. 
Einnig voru truflanir á Þorpalína í Steingrímsfirði, sem sló út kl. 22:35 og fannst bilun við Þorpa, Steingrímsfirði. 

Þá voru truflanir á Króksfjarðarneslínu og er línan slitin á fimm stöðum í Gilsfirði og er rafmagnslaust þar á tveim  bæjum, en viðgerð stendur yfir. 

Rafmagnstruflanir urðu í Ísafjarðardjúpi og er keyrt varaafl á hluta djúpsins frá Reykjanesi

Kl. 15:25 var útsláttur á 11kV háspennurofa í deilistöð Mánagötu, Ísafirði. Setja þurfti spennu á í nokkrum þrepum og var allt komið inn kl. 15:50, orsök eru ókunn.

Viðgerð á Breiðadalslínu 1 lauk síðdegis í dag. Hætt hefur verið keyrslu á varaafli og er kerfið komið í eðlilegt ástand.

Bilun er fundin á Breiðadalslínu 1 og stendur viðgerð yfir. Gert er ráð fyrir að viðgerð ljúki í dag.

Bilunar er nú leitað á Breiðadalslínu 1, sem er 66 kV lína í eigu Landsnets og liggur milli Mjólkárvirkjunar og Breiðadals. Vonast er til að bilun finnist og viðgerð ljúki í dag. Á meðan línan er biluð sér Orkubú Vestfjarða um raforkuflutning fyrir Landsnet milli Mjólkárvirkjunar og Breiðadals eftir 33 kV línu í eigu Orkubúsins. Flutningsgeta línunnar er takmörkuð og annar ekki allri raforkuþörf norðanverðra Vestfjarða. Raforka er framleidd með díselrafstöðvum vegna þess sem upp á vantar og er því enginn án rafmagns af þessum sökum.