Blævardalsárvirkjun er næstminnsta vatnsvél Orkubús Vestfjarða sem nú er í rekstri.  Virkjunin er hlekkur í rafmagnsframleiðslu í Ísafjarðardjúpi og tengd raforkulínum þar.

Blævadalsárvirkjun var endurbyggð árin 2004 og 2005 í kjölfar bilunar í höfuðloka í byrjun árs 2004, en þá eyðilagðist mikið m.a. rafallinn.
Ný 235 kW vél var sett ásamt stjórnbúnaði fjá Volk Wasserkraft í Þýskalandi. Þetta er sami framleiðandi og í Reiðhjallavirkjun. Vélin er útbúin fyrir samkeyrslu fyrir einangrað net (tíðnistýringu) og vatnshæðarstýringu. Stöðin er fjarstýranleg frá Hólmavík.