Orkubú Vestfjarðar verður aðalstyrktaraðili Fossavatnsgöngunnar

29. mars 2017 kl. 07:56
Frá undirritun samnings við Fossavatnsgönguna
Frá undirritun samnings við Fossavatnsgönguna

Í gær, 28.3.2017, skrifuðu forsvarsmenn Fossavatnsgöngunnar undir samning við Orkubú Vestfjarða.

Orkubúið hefur stutt gönguna undanfarin ár en eykur nú við framlag sitt og verður annar af aðalstyrktaraðilum göngunnar. Orkubúið og Fossavatnsgangan gerðu 4 ára samning.

„Það er ánægjulegt að sjá að þessi tvö öflugu fyrirtæki séu tilbúin í að taka þátt í þessum flotta viðburði sem við höfum byggt upp hér á Ísafirði. Þessir samningar eru okkur afar miklilvægi ekki bara fjárhagslega heldur líka af þeirri ástæðu að fyrirtækin sjái sér hag í að tengjast göngunni.“ segir Kristbjörn R. Sigurjónsson, framkvæmdastjóri göngunnar.

„Það er ánægjulegt fyrir Orkubúið að geta tengst skíðaíþróttinni og Fossavatnsgöngunni með enn betri hætti en áður. OV vill vera bakhjarl á sínu starfsvæði og vekja athygli á því öfluga mannlífi sem hér er. Fossavatnsgangan er slíkt verkefni. Ekki skemmir svo fyrir að gangan fer fram á starfsvæði félagsins, þ.e. fjalllendi Skutulsfjarðar og gengið er á snjó sem breytist svo í vatn og í framhaldinu raforku sem OV selur“ segir Elías Jónatansson Orkubússtjóri.

Á meðfylgjandi mynd má sjá forsvarsmenn göngunnar og Orkubús Vestfjarða við undirritun samningsins og í númerum, sem notuð verða í göngunni í ár.

Jarðarstund - Earth hour 2017

24. mars 2017 kl. 15:16

Þann 25. mars. nk. á milli kl. 20:30-21:30 er stund sem kallast Jarðarstund.  Markmið Jarðarstundar er að hvetja íbúa heims til aðgerða gegn loftlagsbreytingum með því að slökkva ljósin í eina klukkustund og sýna þannig fram á vitundarvakningu.

Earth hour - Jarðarstund

Náttúruverndarsamtökin World Wildlife Fund skipulögðu Earth Hour í fyrsta sinn árið 2007 með því að ljósin voru slökkt í einni borg, Sydney í Ástralíu. Jarðarstundin á því 10 ára afmæli árið 2017. Í dag erum  7,000 borgir í 178 löndum sem hafa látið vita um þátttöku og er því  um að ræða eitt fjölmennasta samstillta einstaklingsátak á sviði umhverfisvakningar í heiminum að. Flest sveitarfélög á Vestfjörðum ætla að taka þátt í Jarðarstund í ár en bæði einstaklingar, félög borgir og bæir geta tekið þátt og skráð viðburð á earhhour.org

Allir eru hvattir til að taka þátt í Jarðarstundinni og kveikja ekki á rafmagnsljósum milli kl. 20:30 og 21:30 laugardaginn 25. mars. Njótum myrkurs, skoðum stjörnurnar og kveikjum svo á kertum og hugsum um hvað við getum lagt af mörkum til að bæta umhverfið og vinna gegn loftslagsbreytingum.

Orkubú Vestfjarða gegnir því lykilhlutverki að sjá um framkvæmdina f.h. sveitarfélaganna og verður þannig virkur þátttakandi í þessu skemmtilega verkefni.

 

Ný tækni við samsetningu hitaveituröra

28. febrúar 2017 kl. 15:45
Unnið með nýja samsetningartækni á Ísafirði
Unnið með nýja samsetningartækni á Ísafirði
1 af 2

Nú í febrúar mánuði tóku starfsmenn vinnuflokks á svæði 1 , nánar tiltekið í kyndistöðinni á Ísafirði, í notkun nýja tækni við samsetningu hitaveituröra.  Hingað til hefur ýmist verið rafsoðið eða logsoðið en með nýju tækninni eru stálhólkar pressaðir uppá stálrörin.

Mikill tímasparnaður vinnst með tilkomu nýju tækninnar við samsetningu hitaveituröra. Það felst meðal annars í því að ekki þarf að grafa djúpar holur þar sem starfsmaðurinn þarf ekki að komast undir lögnina til að raf-eða logsjóða. Einnig þarf ekki að tæma lögnina og þurrka áður en byrjað er.

Ein samsetning sem hingað til hefur kannski tekið 30 mín tekur nú einungis 2-3 mínútur.

Þetta er líka stórbætt þjónusta við viðskiptavini OV þar sem heildartími lokunar á heitavatninu minnkar til muna.

Afhending samfélagsstyrkja Orkubús Vestfjarða 2016

25. janúar 2017 kl. 16:32
Frá afhendingu samfélagsstyrkja Orkubúsins 2016
Frá afhendingu samfélagsstyrkja Orkubúsins 2016
1 af 3

Formleg afhending styrkjanna fór fram í dag kl. 16:00 í húsnæði OV að Stakkanesi Ísafirði, Eyrargötu Patreksfirði og Skeiði 5 Hólmavík.

Alls bárust 82 umsóknir og að þessu sinni voru veittir 42 styrkir samtals að fjárhæð 3.425.000 kr.

Þeir sem hlutu styrk að þessu sinni voru:

  • Björgunarsveitin Heimamenn: Björgunarstarf - búnaðarkaup 150 þús. kr.
  • Ungmennafélagið Afturelding Reykhólum: Ungmennfélagsstarfsemi 50 þús. kr.
  • Björgunarfélag Ísafjarðar: Björgunarstarf - búnaðarkaup 150 þús. kr.
  • Blakdeild Vestra: Blak- búnaðarkaup 50 þús. kr.
  • Edinborgarhúsið ehf: Hljóðkerfi 100 þús. kr.
  • Golfklúbbur Ísafjarðar: Golf - unglingastarf 50 þús. kr.
  • Handknattleiksdeild Harðar: Handknattleikur fámennar byggðir 50 þús. kr.
  • Harmonikufélag Vestfjarða: Landsmót harmonikkuunnenda 50 þús. kr.
  • Héraðssamband Vestfjarða 3 umsóknir: Fjölmenning (1), fámennar byggðir (2), barnastarf skíði (3) alls 200 þús. kr.
  • Hollvinir skíðasvæðisins í Tungudal: Skíðasvæði fyrir byrjendur - töfrateppi 50 þús. kr.
  • Knattspyrnudeild Vestra – yngri flokkar: Samstarf íþróttafélaga 50 þús. kr.
  • Kvennakór Ísafjarðar: Landsmót kvennakóra 50 þús. kr.
  • Rauða kross deildirnar á n Vestfjörðum: Búnaður til skyndihjálpar 100 þús. kr.
  • Samgöngufélagið: Útvarpsendingar í jarðgöngum 50 þús. kr.
  • Skíðafélag Ísafjarðar: Unglingalandsmót Íslands 100 þús. kr.
  • Sunnukórinn: Kórstarf 50 þús. kr.
  • Sæfari,félag áhugamanna um sjósport á Ísafirði: Námskeið fyrir unglinga 50 þús. kr.
  • Tónlistarskóli Ísafjarðar: Hljóðfærakaup 75 þús. kr.
  • Golfklúbbur Bolungarvíkur: Golf - unglingastarf 50 þús. kr.
  • Heilsubærinn Bolungarvík: Körfuboltavöllur - útisvæði 100 þús. kr.
  • Rafstöðin, félagasamtök: Rafminjasafn - uppbygging rafstöðvar 100 þús. kr.
  • Sunddeild UMFB: Sunddeild - unglingastarf 50 þús. kr.
  • Verslun Bjarna Eiríkssonar - Háaver ehf: Skipulag sýningar - saga verslunar 50 þús. kr.
  • VáVest: Forvarnir 50 þús. kr.
  • Björgunarsveitin Sæbjörg: Björgunarstarf - búnaðarkaup 150 þús. kr.
  • Íþróttafélagið Grettir á Flateyri: Fimleikadeild - búnaður 50 þús. kr.
  • Björgunarsveitin Björg Suðureyri: Björgunarstarf - búnaðarkaup 150 þús. kr.
  • Íþróttafélagið Stefnir á Suðureyri: Útihreystitæki 50 þús. kr.
  • Kvenfélagið Ársól: Varðveisla sögu Sóleyjar 100 þús. kr.
  • Björgunarsveitin Blakkur: Björgunarstarf - búnaðarkaup 150 þús. kr.
  • Golfklúbbur Patreksfjarðar: Golf - unglingastarf 50 þús. kr.
  • Tónlistarskóli Vesturbyggðar: Hljóðfærakaup 75 þús. kr.
  • Ungmennafélag Tálknafjarðar: Frjálsíþróttasvæði - uppbygging 75 þús. kr.
  • Björgunarsveitin Kópur, Bíldudal.: Björgunarstarf - búnaðarkaup 150 þús. kr.
  • Höfrungur leikdeild: Dýrin í Hálsaskógi 50 þús. kr.
  • Kómedíuleikhúsið: Uppsetning á leikriti 50 þús. kr.
  • Sjálfseignarstofnun Vélsmiðju Guðmundar J. Sigurðssonar: Eldsmíði - varðveisla þekkingar 50 þús. kr.
  • Björgunarsveitin Dagrenning Hólmavík: Björgunarstarf - búnaðarkaup 150 þús. kr.
  • Geislinn: Samstarf íþróttafélaga 50 þús. kr.
  • Sauðfjársetur á Ströndum: Náttúrubarnaskóli 50 þús. kr.
  • Skíðafélag Strandamanna: Gönguskíðaaðstaða 50 þús. kr.
  • Björgunarsveitin Björg: Björgunarstarf - búnaðarkaup 150 þús. kr.

Meðfylgjandi myndir voru teknar á Stakkanesi fyrr í dag þegar Elías Jónatansson orkubússtjóri afhenti styrkina.

 

 

Samfélagsstyrkir Orkubús Vestfjarða 2016 verða afhentir á morgun

24. janúar 2017 kl. 08:48
Frá afhendingu samfélagsstyrkja Orkubúsins 2015
Frá afhendingu samfélagsstyrkja Orkubúsins 2015

Alls bárust 82 umsóknir og að þessu sinni verða veittir 42 styrkir samtals að fjárhæð 3.425.000 kr.

Formleg afhending styrkjanna fer fram í húsnæði OV að Stakkanesi á Ísafirði, Skeiði Hólmavík og Eyrargötu Patreksfirði á morgun, 25. janúar kl. 16:00.

Þess er vænst að styrkþegar eða fulltrúar þeirra mæti og taki við skjali til staðfestingar styrkveitingunni og þiggi kaffiveitingar.

 

 

Eldri færslur