1. Tilgangur og gildissvið
Markmið með jafnlaunastefnu Orkubús Vestfjarða er að tryggja að allt starfsfólk njóti sömu kjara fyrir sömu og/eða jafn verðmæt störf. Orkubú Vestfjarða leggur áherslu á að tryggja jafna stöðu allra starfsmanna eins og kveðið er á um í lögum um jafna stöðu og jafnan rétt allra starfsmanna. Stuðlað er að góðri líðan starfsmanna í starfi og áhersla lögð á samræmingu fjölskyldulífs og starfs. Þá er lögð áhersla á mikilvægi þess að nýta til jafns þá auðlegð sem felst í menntun, reynslu og viðhorfum allra starfsmanna.
Orkubú Vestfjarða leggur áherslu á að tryggja jafna stöðu allra starfsmanna eins og kveðið er á um í lögum um jafna stöðu og jafnan rétt allra starfsmanna. Stuðlað er að góðri líðan starfsmanna í starfi og áhersla lögð á samræmingu fjölskyldulífs og starfs. Þá er lögð áhersla á mikilvægi þess að nýta til jafns þá auðlegð sem felst í menntun, reynslu og viðhorfum allra starfsmanna
2. Ábyrgð
Orkubússtjóri ber ábyrgð á að jafnlaunastefna Orkubúsins standist gildandi lög, hverju sinni, um jafna stöðu og jafnan rétt kynjanna.
3. Framkvæmd
Orkubúið mun:
» innleiða, skjalfesta og viðhalda vottuðu jafnlaunakerfi.
» fylgja viðeigandi lögum og reglum sem gilda um jafnlaunavottun á hverjum tíma.
» framkvæma árlega launagreiningu sem gefur til kynna hvort um kynbundinn launamun sé að ræða.
» framkvæma innraeftirlit árlega.
» bregðast við óútskýrðum launamun skv. VR 04 Umbætur.
» kynna árlega fyrir starfsmönnum niðurstöður úttekta og launagreiningar á kynbundnum launamun.
» Birta jafnlaunastefnu sína á innri og ytri vef fyrirtækisins og kynnir hana fyrir öllu starfsfólki.
Orkubúið mun fylgja eftir:
Allir starfsmenn eiga rétt á því að komið sé fram við þá af virðingu og að þeir sæti ekki kynbundinni eða kynferðisleg áreitni, einelti eða ofbeldi í hvaða mynd sem er. Þá skulu starfsmenn ekki baktala hvern annan heldur koma fram af hreinskilni og koma skilaboðum um ágalla og þörf á úrbótum á framfæri við rétta aðila. Verði starfsmaður fyrir einhvers konar misrétti getur hann leitað til orkubússtjóra/stjórnarformanns sem ber að leiðbeina honum í slíkum málum og veita nauðsynlega aðstoð. Þolandi skal engan skaða bera af ráðstöfunum sem gripið er til í því skyni. Orkubú Vestfjarða hefur sett sér stefnu og gert viðbragðsáætlun gagnvart einelti innan fyrirtækisins og kynnt skal öllum starfsmönnum.
Laun skulu ákveðin á sama hátt fyrir alla starfsmenn, óháð kyni, þannig að sömu viðmið skulu höfð til hliðsjónar við ákvörðun launa fyrir jafnverðmæt og sambærileg störf. Sama á við þegar yfirvinna og hvers konar aðrar þóknanir eru ákvarðaðar, sem og önnur réttindi, svo sem lífeyrisgreiðslur, orlof og veikindaréttur.
- Starfsþjálfun og endurmenntun:
Leggja skal áherslu á að allir starfsmenn njóti sömu tækifæra til endurmenntunar og starfsþjálfunar og til að sækja námskeið sem leiða til aukinnar hæfni í starfi eða til undirbúnings fyrir önnur störf. Starfaauglýsingar á vegum Orkubús Vestfjarða, skulu höfða til allra einstaklinga og gæta skal þess að hafa öll kyn í huga við gerð slíkra auglýsinga. Þess skal gætt að sá umsækjandi sem metinn er hæfastur til þess að gegna starfi sé ráðinn, án tillits til kynferðis.
- Auglýsingar um stöður og ráðning í þær:
Starfaauglýsingar á vegum Orkubús Vestfjarða, skulu höfða til allra einstaklinga og gæta skal þess að hafa öll kyn í huga við gerð slíkra auglýsinga. Þess skal gætt að sá umsækjandi sem metinn er hæfastur til þess að gegna starfi sé ráðinn, án tillits til kynferðis.
- Samræming fjölskyldu- og atvinnulífs:
Orkubú Vestfjarða gerir nauðsynlegar ráðstafanir til að gera öllum starfsmönnum kleift að samræma starfsskyldur sínar og skyldur gagnvart fjölskyldu. Ráðstafanir þær skulu m.a. miða að því að auka sveigjanleika í skipulagningu á vinnu og vinnutíma þannig að tekið sé tillit til þarfa stofnunarinnar og fjölskylduaðstæðna starfsmanna, þar með talið að þeim sé auðveldað að koma aftur til starfa eftir fæðingar- eða foreldraorlof eða leyfi úr vinnu vegna óviðráðanlegra og brýnna fjölskylduaðstæðna (force majeure).
Jafnlaunastefna/Jafnréttisáætlun Orkubús Vestfjarða skal vera kynnt fyrir starfsmönnum fyrirtækisins. Áætlunin skal vera kynnt árlega á sama tíma og útkoman úr jafnlaunagreininguni er kynnt. Nýjum starfsmönnum skal gerð grein fyrir efni áætlunarinnar.