1. Tilgangur og umfang
- Markmið með jafnlaunastefnunni er að tryggja að allt starfsfólk njóti sömu kjara fyrir sömu og /eða jafn verðmæt störf. Koma skal í veg fyrir kynbundinn launamun og stuðla að sanngirni, gagnsæi og jafnræði við launaákvarðanir.
- Jafnlaunastefnan nær til alls starfsfólks óháð kyni, kynvitund eða kyntjáningu, uppruna, aldri, starfssviði eða stöðu.
- Stefnan á við um ráðningar, launaákvarðanir, launabreytingar, fríðindi, bónusa og aðra starfskjaraþætti.
2. Ábyrgð og eftirfylgni
- Orkubússtjóri ber ábyrgð á að jafnlaunastefnan standist gildandi lög, hverju sinni, um jafna stöðu og jafnan rétt kynjanna.
- Stjórnendur sjá um innleiðingu, eftirlit og reglubundna endurskoðun og bera ábyrgð á að fylgja stefnunni eftir í daglegum rekstri.
- Unnið er samkvæmt kröfum jafnlaunastaðals ÍST85 og jafnlaunavottun viðhaldið.
- Jafnlaunastefnan er endurskoðun árlega.
3. Framkvæmd
Til að tryggja jöfn laun skal fylgja eftirfarandi:
- Innleiða, skjalfesta og viðhalda vottuðu jafnlaunakerfi
- Fylgja viðeigandi lögum og reglum sem gilda um jafnlaunavottun á hverjum tíma
- Framkvæma árlega launagreiningu sem gefur til kynna hvort um kynbundinn launamun sé að ræða.
- Framkvæma innri og ytri úttektir árlega skv. VER-0005 Innri og ytri úttektir
- Kynna fyrir starfsmönnum niðurstöður úttekta og launagreiningar
- Bregðast við óútskýrðum launamun skv. VER-0004 Umbætur
- Birta jafnlaunastefnu á innri og ytri vef fyrirtækisins.
Stefna samþykkt af framkvæmdarstjórn OV 01.04.2026