Umsögn Orkubús Vestfjarða ohf. um frumvarp til breytinga á lögum um niðurgreiðslur húshit

21. desember 2012

Ísafirði 26. nóvember 2012

 

Umsögn Orkubús Vestfjarða ohf. um frumvarp til breytinga á lögum um niðurgreiðslur húshitunarkostnaðar, 264. mál 

 

Af  hálfu Orkubús Vestfjarða bent á að á svonefndum „köldum svæðum", þar sem ódýrasti valkostur til hitunar er rafmagn, hefur íbúum fækkað jafnt og þétt. Þessi svæði standast ekki samkeppni við aðra landshluta hvort sem horft er til fólks eða fyrirtækja.

Einn þátturinn í því að gera þessi „köldu svæði" samkeppnishæf að nýju  er að jafna húshitunarkostnað enn frekar en nú er gert. Verði ekkert að gert er þess ekki langt að bíða að heilu byggðarlögin fari í eyði á þessum svæðum.

Frumvarp þetta er samhljóða niðurstöðu nefndar sem skipuð var af iðnaðarráðherra og skilaði frá sér áliti fyrir tæpu ári síðan.

Verði þetta frumvarp samþykkt er það til mikilla bóta fyrir þann litla hluta þjóðarinnar sem ekki nýtur þess að hafa  aðgang að jarðhitaauðlindinni.

Bent er á að enn njóta fyrirtæki og stofnanir á „köldum svæðum" engrar jöfnunar á húshitunarkostnaði. Að mati Orkubús Vestfjarða er einnig full þörf á að jafna húshitunarkostnað þessara aðila.

Af  hálfu Orkubús Vestfjarða er lagt til að frumvarpið verði samþykkt. Samþykkt þess mun verða til verulegra hagsbóta fyrir heimili á veitusvæði Orkubús Vestfjarða.

Virðingarfyllst

Fyrir hönd Orkubús Vestfjarða ohf

 

Kristján Haraldsson

orkubússtjóri

25. ágúst 2021

Uppgjör orkureikninga

Nú í september og október verður farið í uppgjör í orkureikningum, en orkureikningar eru unnir...

13. maí 2021

Friðlýsingarskilmálar þjóðgarðs – þörf á upplýstri umræðu

Orkubú Vestfjarða (OV) hefur ritað sveitarfélögum á Vestfjörðum ásamt Vestfjarðastofu, bréf vegna...

30. mars 2021

Úthlutun samfélagsstyrkja Orkubús Vestfjarða 2021

Alls bárust 78 umsóknir og að þessu sinni voru veittir 53 styrkir samtals að fjárhæð kr. 5.000.000.