Efni: Auglýsing um væntanlegt útboð fyrir mannvirki virkjunar
Kvíslatunguvirkjun – Útboð Mannvirkjagerðar
Orkubúið stefnir á að bjóða út mannvirkjahluta Kvíslatunguvirkjunar, reiknað er með að útboðsgögn verði tilbúin fyrir miðjan október en vegna veðurfarsástæðna er valin sú leið að boða til skoðunarferðar fyrr. Verktími mun dreifast á árin 2027 til 2029
Lauslegt yfirlit yfir verkið
Um er að ræða vatnsaflsvirkjun 9,9 MW að stærð staðsett í Selárdal í Steingrímsfirði, u.þ.b. 20 km frá Hólmavík. Aðkoma að vinnusvæðinu er frá Djúpvegi (61) um Strandaveg (643) að Geirmundarstaðavegi (6433) og loks eftir nýgerðum aðkomuvegi að væntanlegu stöðvarhúsi, Kvíslatunguvegur. Rétt fyrir sunnan væntanlegt stöðvarhús liggur 5 km nýr vegur upp Leitishlíðina að staðsetningu fyrirhugaðs inntakshúss, vegurinn er ekki fullbúinn.
Helstu magntölur
Gröftur 370.000m3
Stíflufyllingar 380.000m3
Járnbending 140.000kg
Steinsteypa 1.550m3
Forsteyptar einingar 340m2
Niðurlögn þrýstipípu, ø1000 - 1400mm 3.000m
Efnisnámur
Efnisnámur – Verkkaupi bendir á að ekki er talið vera heppilegt efni í steypugerð á svæðinu og þarf verktaki að útvega efni í steypugerð.
Leyfismál
Vakin er athygli á að því virkjunarleyfi sé útgefið en ekki er búið að veita framkvæmdaleyfi og tengist það breytingum á bæði aðal og deiliskipulagi eftir jarðvegs rannsóknir sumarsins. Reiknað er með að framkvæmdaleyfi verði veitt á fyrsta ársfjórðungi 2027.
Skoðunarferð
Orkubú Vestfjarða býður upp á skoðunarferð á verkstað ef veður leyfir 2026-10-08 eða 09 kl. 12:00.
Athugið að það þarf vel útbúinn breyttan jeppa á 35“ dekkjum eða sexhjól til að komast um virkjunarsvæðið.
Þeir bjóðendur er hafa áhuga á að kynna sér aðstæður á verkstað skulu tilkynna mætingu í skoðunarferð á tölvupóstfangið jbh@verkis.is. fyrir 2026-10-07.
Hægt er að sjá yfirlitskort af verksvæði á útboðsvef Orkubú Vestfjarða
Viðhengi