Endurnýjun raforkumæla á Flateyri

21. febrúar 2013

Orkubúið vinnur nú að heildarendurnýjun raforkumæla á Flateyri.
Settir verða upp mælar sem hafa alþjóðlega MID gæðaviðurkenningu.

Raforkumælarnir falla undir innra eftirlit Orkubúsins fyrir raforkumæla en Orkubúið hefur samþykki Neytendastofu til að nota innra eftirlit í stað löggildingar  

sbr. rg. nr. 1061/2008 um mælifræðilegt eftirlit með raforkumælum og 14. gr. laga nr. 91/2006, um mælingar, mæligrunna og vigtarmenn.

Raforkumælarnir hafa innbyggðan radíósendi og er hægt að kalla fram stöðu mælis með fjarrálestri og þarf því ekki að nálgast mælinn lengur við  álestur.

Séu tveir raforkumælar í notkun, annar fyrir almenna notkun og hinn fyrir hita, mun rafvirki taka niður raforkumælana og setja í staðinn einn mælir sem mælir heildarnotkun. Orkugjald verður þá 15% almenn notkun, 85% hiti.  Viðskiptavinur borgar því aðeins eitt mælagjald. Óski viðskiptavinur þess getur hann áfram verið með tvo mæla en borgar þá tvö mælagjöld.

Upplýsingahnappur á nýjum raforkumælum.


Á nýju raforkumælunum er hnappur sem notandi getur ýtt á til að skoða  upplýsingar á skjá mælis.

1. kWh heildar kílóvattstundir sem farið hafa í gegnum mælinn.
2. W aflið í vöttum sem sýnir hve mikið afl húsveitan er að taka.
3. kWh‘ núllstilling á kílóvattstundum, notandi getur fylgst með notkun frá því að síðast var núllstillt. Haldið hnapp inni þangað til núllast.
4. NUM númer mælis.
5. Lýsir allt á skjá upp.

13. janúar 2020

Breyting á verðskrá fyrir dreifingu og sölu á raforku

Verðskrá Orkubús Vestfjarða fyrir dreifikostnað á raforku hækkaði um áramótin um 2,5% bæði...

12. janúar 2020

Staðan á suðursvæði

Um klukkan 23:00 voru flestir notendur komnir með straum með varaaflskeyrslu og síðustu notendur...

13. desember 2019

Orkubúið - alltaf nýjustu upplýsingar strax !

Í óveðrinu undanfarna daga hafa margir nýtt sér þann möguleika að fylgjast með mikilvægum...