Hækkun á verðskrám fyrir dreifingu raforku

05. janúar 2015

Nú um áramót voru verðskrár Orkubús Vestfjarða fyrir dreifingu raforku hækkaðar en þær höfðu ekki  verið hækkað á undangengnum 2 árum.

Orkustofnun er eftirlitsaðili með verðlagningu dreifiveitna og setur þeim árlega tekjumörk. ( Árleg tekjumörk eru þær tekjur sem dreifiveita þarf árlega til að standa undir rekstri sínum að mati Orkustofnunar). Orkustofnun hefur farið yfir og staðfest neðanskráðar hækkanir á verðskrám OV fyrir dreifingu raforku.

Verðskrá fyrir dreifingu raforku í þéttbýli hækkaði um 4%

Hækkun þessi er rökstudd með vísan til þess að verð hafa ekki breyst síðan í upphafi árs 2013 þrátt fyrir verðlagshækkanir (ca 6%). Skv uppgjöri tekjumarka fyrir árið 2013 voru tekjur OV af raforkudreifingu í þéttbýli 97% af tekjumörkunum. Bent  er á að dreifigjaldskrár OV hafa alla tíð verið undir leyfilegum tekjumörkum og eru uppsafnaðar tekjuheimildir OV í lok árs 2013 um 472 Mkr. vanteknar í þéttbýli.

Verðskrá fyrir dreifingu raforku í dreifbýli hækkaði um 10%

Hækkun þessi er rökstudd með vísan til þess að verð hafa ekki breyst síðan í upphafi árs 2013 þrátt fyrir verðlagshækkanir (ca 6%). Skv uppgjöri tekjumarka fyrir árið 2013 voru tekjur OV af raforkudreifingu í dreifbýli 74% af tekjumörkunum. Þrátt fyrir þessa hækkun um 10% má búast við að tekjur ársins vegna dreifingar raforku í dreifbýli verði einungis um 77% af heimiluðum tekjumörkum. Bent  er á að dreifigjaldskrár OV hafa alla tíð verið vel undir leyfilegum tekjumörkum og eru uppsafnaðar tekjuheimildir OV í lok árs 2013 um 410 Mkr. vanteknar í dreifbýli.  Þá  er einnig bent á að OV hefur og mun á næstu árum lagt út í mikinn kostnað vegna endurnýjunar dreifikerfa  í sveitum þar sem þriggja fasa strengur er lagður í stað einfasa loftlínu.

25. ágúst 2021

Uppgjör orkureikninga

Nú í september og október verður farið í uppgjör í orkureikningum, en orkureikningar eru unnir...

13. maí 2021

Friðlýsingarskilmálar þjóðgarðs – þörf á upplýstri umræðu

Orkubú Vestfjarða (OV) hefur ritað sveitarfélögum á Vestfjörðum ásamt Vestfjarðastofu, bréf vegna...

30. mars 2021

Úthlutun samfélagsstyrkja Orkubús Vestfjarða 2021

Alls bárust 78 umsóknir og að þessu sinni voru veittir 53 styrkir samtals að fjárhæð kr. 5.000.000.