Orkubú Vestfjarða fær ISO 9001:2015 vottun

22. maí 2018

Orkubú Vestfjarða hefur fengið vottun á starfsemina samkvæmt gæðastjórnunarkerfinu ISO 9001:2015 frá British Standards Institute, BSI.  BSI á Íslandi er faggild skoðunarstofa og jafnframt umboðsaðili BSI Group á Íslandi.

Framkvæmdastjóri BSI á Íslandi, Árni  H. Kristinsson, kom nýlega í heimsókn á Ísafjörð og afhenti Elíasi Jónatanssyni orkubússtjóra staðfestingu á vottuninni. Hann var einnig með fyrirlestra fyrir starfsfólk Orkubúsins.

Gæðastefna Orkubús Vestfjarða er að:

  • vera ábyrgt fyrirtæki sem nýtur trausts viðskiptavina sinna og veitir þeim þjónustu af bestu mögulegu gæðum og með fullnægjandi afhendingaröryggi.
  • vera meðvitað um áhrif starfssemi fyrirtækisins á umhverfið og draga úr óæskilegum umhverfisáhrifum svo sem kostur er.
  • vera fyrirmyndar vinnustaður þar sem aðbúnaður, hollusta og öryggi starfsmanna er sett í öndvegi.
  • vera fyrirtæki sem uppfyllir ávallt opinberar kröfur og aðrar kröfur sem gerðar eru til starfseminnar.
  • vera fyrirtæki sem fer að kröfum ISO 9001 staðalsins og vinnur að stöðugum umbótum.

Orkubúið hefur haft vottun samkvæmt ISO 9001 frá árinu 2013. Í nýja staðlinum er gæðastjórnunarkerfið samþættað betur við daglega stjórnun fyrirtækisins. Aðaláherslur eru m.a. á áhættu-og breytingastjórnun, staðreyndabundna nálgun við ákvarðanatöku og stöðugar umbætur.DSC06511-sm.jpg
Frá vinstri Bjarni Sólbergsson framkvæmdastjóri fjármálasviðs, Sölvi R. Sólbergsson framkvæmdastjóri orkusviðs, Halldór V. Magnússon framkvæmdastjóri veitusviðs, Árni H. Kristinsson framkvæmdasjóri BSI á Íslandi, Ragnar Emilsson deildarstjóri eftirlitsdeildar og gæðastjóri og Elías Jónatansson orkubússtjóri.

17. september 2020

Tilkynning frá Landsneti og Orkubúi Vestfjarða

Alvarlegt slys í tengivirki í Breiðadal. Rétt fyrir klukkan þrjú í dag varð alvarlegt rafmagnsslys...

04. september 2020

Orkuvitund

Orkubú Vestfjarða hefur unnið að því, síðustu mánuði, að færa reikningagerðina fyrr í mánuðinn,...

29. maí 2020

Aðalfundur Orkubús Vestfjarða 2020

Aðalfundur Orkubús Vestfjarða fór fram í gær 28. maí.  Fundurinn var að því leyti óvenjulegur...