Orkubú Vestfjarða efnir til funda á Vestfjörðum í næstu viku. Þar verður farið yfir það sem er á döfinni hjá fyrirtækinu – helstu framkvæmdir ársins auk upplýsinga um starfsemina á síðasta ári.
Árið 2026 er eitt stærsta framkvæmdaár í sögu Orkubúsins og er reiknað með að framkvæmt verði fyrir 4,5 milljarða króna í dreifikerfi raforku, jarðhitaleit, varmadæluvæðingu hitaveitna á Ísafirði og á Patreksfirði ásamt fjárfestingu í Kvíslatunguvirkjun í Strandabyggð.
Þá verður á fundunum kynnt skýrsla KPMG þar sem gerð er samanburðargreining á tveimur virkjunarkostum Orkubúsins á Glámuhálendinu – Tröllárvirkjun og Vatnsdalsvirkjun.
Í skýrslunni er lagt mat á virkjunarkostina út frá þremur megin sjónarhornum:
- Fjárhagslegum hagsmunum Orkubús Vestfjarða
- Samfélagslegum hagsmunum Vestfjarða
- Þjóðhagslegum hagsmunum
Skýrsla KPMG sýnir með skýrum hætti þá samfélagslegu hagsmuni sem eru af byggingu virkjunar í Vatnsdal umfram Tröllárvirkjun.
Hlekkur á skýrslu
Að framsögunum loknum verður opnað á fyrirspurnir og umræður.
Fundirnir sem eru opnir öllum verða á:
- Patreksfirði júní kl. 12:00 Verbúðinni Eyrargötu
- Hólmavík júní kl. 12:00 Café Riis
- Ísafirði júní kl. 10:00 Edinborg – Rögnvaldarsalur
