Landsbjörg veitir Orkubúi Vestfjarða viðurkenningu

01. júní 2015

Á landsþingi Slysavarnarfélagsins Landsbjargar sem haldið var á Ísafirði 29. maí 2015 var Orkubúi Vestfjarða veitt viðurkenning fyrir kerfisbundið vinnuverndarstarf og forvarnir sem stuðla að bættu starfsumhverfi og öryggi starfsmanna.

Orkubú Vestfjarða stefnir að slysalausum vinnustað og unnið er eftir skriflegri áætlun um öryggi og heilbrigði á vinnustað samkvæmt lögum nr. 46/1980, um aðbúnað, hollustuhætti og öryggi á vinnustöðum.

Orkubúið hefur komið sér upp innra öryggisstjórnunarkerfi sem uppfyllir skilyrði laga um öryggi raforkuvirkja, neysluveitna og raffanga. Öryggisstjórnunarkerfið er tekið út af faggiltri skoðunarstofu á þriggja ára fresti. Kerfið er vottað af mannvirkjastofnun. Orkubúið var fyrsta rafveitan sem fékk viðurkennt öryggisstjórnunarkerfi árið 1999. 

Orkubúið starfrækir gæðakerfi sem samræmist kröfum í ISO 9001
Gæðakerfið er vottað og tekið út af óháðum aðila tvisvar á ári. Vottunin tekur til framleiðslu, flutnings, dreifingar og sölu á raforku og vinnslu, dreifingar og sölu á heitu vatni á Vestfjörðum.

201506-2-1.jpg

04. september 2025

Viðvörun – Fölsuð QR kóðamerking á hleðslustöðvum !

Við viljum vara við því að óprúttnir aðilar hafa komið fyrir fölsuðum QR kóðum á nokkrum...

29. ágúst 2025

Afkastamælingar borholu á Patreksfirði lofa góðu

Óhætt er að segja að niðurstöður jarðhitaleitar á Patreksfirði hafi farið fram úr væntingum.

22. ágúst 2025

Jákvætt skref í jarðhitaleit á Patreksfirði

Undanfarnar vikur hefur Orkubú Vestfjarða staðið fyrir borun á þremur rannsóknarholum og nýrri...