Á undanförnum árum hefur Orkubú Vestfjarða fjárfest í stórbættu dreifikerfi raforku á Vestfjörðum, betri nýtingu á þeim vatnsaflsvirkjunum, sem það rekur, og unnið mikið starf tengt upplýsingatækni, snjall-lausnum og þjálfun starfsmanna. Miðlun mikilvægra upplýsinga til viðskiptavina skiptir Orkubúið miklu máli. Þessar upplýsingar varða t.d. skipulögð og fyrirvaralaus rof á afhendingu rafmagns og á heitu vatni. Á undanförnu ári hefur verið lögð áhersla á að koma mikilvægum tilkynningum til notenda eins fljótt og mögulegt er og nýta til þess nútíma upplýsingatækni þ.m.t. snjalltækni og samfélagsmiðla.
Mikilvægum upplýsingum er miðlað nánast í rauntíma á vef Orkubúsins og póstlista og auk þess geta allir notfært sér smáforrit Orkubúsins þangað sem tilkynningum er miðlað með nýjustu tækni. Smáforritin eru handhæg og fljótvirkasta leiðin til að fylgjast með mikilvægum upplýsingum.
Þú getur nálgast smáforritin á Google PlayStore fyrir Android snjalltæki og á Apple AppStore fyrir iPhone og Ipad.