Allir virkir notendur að Mínum síðum Orkubús Vestfjarða öðlast þátttöku í skemmtilegum leik þar sem heppnir notendur verða dregnir út og fá vegleg verðlaun.
Orkubú Vestfjarða býður öllum viðskiptavinum sínum aðgang að vefsvæði, Mínar síður, þar sem m.a. er hægt að skoða orkureikninga, orkunotkun, panta yfirlit í tölvupóst og skoða ýmsar gagnlegar upplýsingar. Þjónustan er ný og er veitt viðskiptavinum Orkubúsins þeim að kostnaðarlausu.
Til að kynna þessa nýju þjónustu og hvetja viðskiptavini til að virkja sínar síður þá hefur Orkubúið ákveðið að draga út fjóra virka notendur og veita þeim vegleg verðlaun.
Viðskiptavinir virkja sínar síður með því að fá lykilorð sent í heimabanka og skrá sig síðan inn á vefsvæðið. Notendanafn er kennitala viðskiptavinar. Nánari upplýsingar er að finna á Mínar síður þaðan sem hægt er að virkja vefsvæðið.
Viðskiptavinum er velkomið að leita aðstoðar við að virkja sínar síður í síma 450-3211 eða í tölvupósti til orkubu@ov.is. Við minnum einnig á facebook síðu Orkubúsins þar sem hægt er að leita eftir aðstoð í gegnum skilaboðakerfið.