Síðastliðinn fimmtudag, 9. Janúar, fór vinnuflokkur Orkubúsins á Ísafirði til viðgerða á Súðavíkurlínu. Þeir notuðu tækifærið og tóku upp mjög áhugaverð og skemmtileg myndbönd. Stytt og samsett útgáfa af myndböndunum var sett inn á Facebook síðu Orkubúsins síðastliðinn föstudag og má segja að myndbandið hafi slegið rækilega í gegn. Á aðeins tveim dögum höfðu rúmlega 18 þúsund Facebook notendur séð myndbandið og hundruð notenda hefur deilt eða líkað við myndbandið.
Myndbandið sýnir nýja hlið á þeim erfiðu störfum og aðstæðum sem bíða vinnuflokka Orkubúsins yfir vetrarmánuðina. Einnig má sjá fegurð vestfirskra fjalla á fallegum vetrardögum.