Ný aðveitustöð á Skeiði spennusett að hluta

21. mars 2014

Í gær, 20. mars, var hleypt spennu á 11kV hluta nýrrar aðveitustöðvar á Skeiði á Ísafirði. Ragnar Emilsson, ábyrgðarmaður rafveitu Orkubúsins, spennusetti stöðina að viðstöddu starfsfólki Orkubúsins og Orkuvirkis.

Orkubú Vestfjarða og Landsnet eru að vinna að gerð nýrrar aðveitustöðvar á Skeiði.  Aðveitustöðin kemur í stað aðveitustöðvarinnar í Stórurð á Ísafirði, sem byggð var á árunum 1957-59. 

Í gær var spennusettur 11kV hluti stöðvarinnar, í honum eru m.a. 10 11kV rofaskápar af gerðinni Tryggvi 2000 sem eru hannaðir og framleiddir af Orkuvirki. Einnig eru 6 11kv aflrofar af gerðinni ABB SafePlus. Áætlað er að stöðin öll verði tekin í notkun í júní á þessu ári.

Þess má geta að allur búnaður aðveitustöðvarinnar verður innan dyra og fellur stöðin þannig vel að umhverfinu auk þess sem það eykur rekstraröryggi.

201403-5-1.jpg

30. mars 2021

Úthlutun samfélagsstyrkja Orkubús Vestfjarða 2021

Alls bárust 78 umsóknir og að þessu sinni voru veittir 53 styrkir samtals að fjárhæð kr. 5.000.000.

25. febrúar 2021

Gengið verður til samninga um sölu á hlut Orkubúsins í Landsneti

Orkubú Vestfjarða hefur samþykkt viljayfirlýsingu um að hefja viðræður um sölu á 5,98% eignarhlut...

11. janúar 2021

Samfélagsstyrkir Orkubús Vestfjarða 2021

Orkubú Vestfjarða auglýsir eftir umsóknum um samfélagsstyrki 2021.