Framkvæmdir við Fossárvirkjun

21. nóvember 2014

Uppsteypa stöðvarhússins hefur gengið ágætlega síðustu vikur og er reiknað með að allar steypur verði yfirstaðnar fyrir næstu mánaðarmót.  Í desember verða bitar undir brúarkrana  settir upp, krananum síðan komið fyrir og húsinu lokað.

Vélamaður frá Kössler kemur 12 janúar til að stilla af  vélina og að því loknu verður hægt að steypa umhverfis rafala og vatnahverfil.  Eftir það verður unnið við innanhússfrágang á það stig að allir veggir, kapalrennur og  gólf verði rykbundið í það minnsta.  Búið er að grunna o.þ.h. Ekki er búið að tímasetja næsta áfanga, sem er uppsetning á stjórnskápum, spenni og  útdráttur kraft- og stýristrengja.  Virkjunin verður ekki gangsett fyrr en næsta sumar.  Spennistöð er áföst stöðvarhúsinu og verður hún tilbúin, vonandi í byrjun janúar.   

Pípuframkvæmdir uppí  Fossárdal hafa verið í gangi þótt verður hafi verið risótt.  Í næstu viku verður steypt síðasta beygjan og þaðan liggur nýja pípan samsíða þeirri gömlu,  sem unnið verður næsta sumar.  Þó er ætlunin að fleyga klöpp o.þ.h.  á meðan veður leyfir til að undirbúa framkvæmdir á næsta ári.  Hafin er lagning  neðsta hluta pípunnar sem er 200 metra langur kafli ásamt einum beygju-festli.  Að þessu loknu verður nýlögn pípunnar komin í 900 metra og 800 metrar verða lagðir á næsta ári.

201411-1-1.jpg

201411-1-2.jpg

201411-1-3.jpg

02. janúar 2019

Breytingar á gjaldskrá 1. janúar 2019

Gjaldskrá Orkubús Vestfjarða vegna dreifingar raforku og fyrir hitaveitu breytist frá og með...

10. desember 2018

Samfélagsstyrkir Orkubús Vestfjarða 2018

Orkubú Vestfjarða auglýsir eftir umsóknum um samfélagsstyrki 2018.

11. september 2018

Nýjar hraðhleðslustöðvar Orkubús Vestfjarða

Orkubú Vestfjarða tók nýverið í notkun tvær nýjar hraðhleðslustöðvar (50 kW), annarsvegar...