Ný þjónusta - póstlisti tilkynninga

18. febrúar 2015

Vegna landfræðilegra aðstæðna á Vestfjörðum er mjög erfitt að koma í veg fyrir að truflanir eigi sér stað í flutnings- og dreifikerfi Orkubúsins. Orkubúið hefur á undanförnum árum verið að bæta til muna miðlun upplýsinga þegar truflanir verða, sem snerta viðskiptavini þess.

Nú hefur verið settur upp póstlisti fyrir tilkynningar. Þeir sem skrá sig á póstlistann fá sendar tilkynningar í tölvupósti um leið og þær eru birtar á vefsvæði Orkubúsins.

Einnig hefur verið bætt ferlið við birtingu tilkynninga á vefsvæði og Facebook síðu Orkubúsins til að þær berist til sem flestra á sem skemmstum tíma.

Viðskiptavinir Orkubúsins geta nú valið með hvaða hætti þeir fá upplýsingar þegar truflanir eiga sér stað hvort sem það er í gegnum vefsvæði Orkubúsins, Facebook, Twitter eða í tölvupósti. Einnig  geta viðskiptavinir valið hvort notuð er borðtölva, fartölva, spjaldtölva eða snjallsími til að nálgast þessar upplýsingar á sem fljótvirkastan máta.

30. mars 2021

Úthlutun samfélagsstyrkja Orkubús Vestfjarða 2021

Alls bárust 78 umsóknir og að þessu sinni voru veittir 53 styrkir samtals að fjárhæð kr. 5.000.000.

25. febrúar 2021

Gengið verður til samninga um sölu á hlut Orkubúsins í Landsneti

Orkubú Vestfjarða hefur samþykkt viljayfirlýsingu um að hefja viðræður um sölu á 5,98% eignarhlut...

11. janúar 2021

Samfélagsstyrkir Orkubús Vestfjarða 2021

Orkubú Vestfjarða auglýsir eftir umsóknum um samfélagsstyrki 2021.