Ársfundur O.V. verður haldinn fimmtudaginn 7. maí kl. 17:00, í Edinborgarhúsinu á Ísafirði. Hann er öllum opinn og eru viðskiptavinir Orkubúsins sem og áhugafólk um orkumál hvatt til að mæta. Flutt verða áhugaverð erindi og fyrirspurnum fundargesta svarað.
Dagskrá fundarins:
- Viðar Helgason, stjórnarformaður O.V. flytur ávarp.
- Kristján Haraldsson, orkubústjóri greinir frá helstu þáttum í rekstri fyrirtækisins.
- Sölvi R. Sólbergsson, framkvæmdastjóri orkusviðs O.V. ræðir um vindorku á Vestfjörðum.
- Stefán Freyr Baldursson, verkfræðingur á veitusviði OV fjallar um „Snjallnetið“.
Í lok fundar verður boðið upp á léttar veitingar.