Rafbílar og rafbílavæðing á Vestfjörðum

20. ágúst 2015

Nú er komið rúmlega eitt ár síðan Orkubúið skipti um rafbíl. Nýji rafbíllinn, sem er af Mitsubishi Miev gerð, hefur reynst mjög vel fyrir utan smávægilega bilun í stjórnbúnaði sem knýr fylgihluti bílsins.

Þó að ekki séu margir rafbílar komnir á Vestfirði þá hefur Orkubúið verið að undirbúa rafbílavæðingu á svæðinu.

Fljótlega tekur Orkubúið í notkun rafpóst á Stakkanesinu og þá geta rafbílaeigendur á svæðinu komið og „fyllt á“. Verið er að vinna að því í samvinnu við fleiri aðila að koma upp öðrum rafpósti á Eyrinni. Einnig er verið að skoða í samvinnu við innlenda og erlenda aðila uppsetningu á rafpóstum á Djúpvegi og hugsanlega fleiri stöðum.

Rafbílavæðingin á Íslandi fór rólega af stað í byrjun aldarinnar og árið 2011 voru aðeins 15 rafbílar skráðir en 27. maí 2015 voru í heildina 463 rafbílar á skrá. (sjá nánar í frétt mbl.is 15.06.2015).

Frá 1-15 ágúst var hlutfall rafbíla í nýskráningum örkutækja 1,37% en 14.52% í nýskráningum notaðra ökutækja samkvæmt Bifreiðatölum á vef Samgöngustofu þ. 20.8.2015.

Þó að þessar tölu séu ekki stórar í hlutfalli við heildarfjölda ökutækja á Íslandi (204.958 í árslok 2014) þá er samt sem áður ljóst að rafbílavæðingin er að hefjast af alvöru á Íslandi. Orkubúið mun að sjálfsögðu fylgjast með þróuninni og halda áfram að undirbúa þjónustu við rafbílaeigendur á Vestfjörðum.

201508-1-1.jpg

26. ágúst 2019

Borun eftir jarðhita ber árangur

Leit á vegum Orkubús Vestfjarða að auknum jarðhita að Laugum í Súgandafirði hefur nú borið árangur...

22. maí 2019

Ársreikningur 2018  samþykktur

Ársreikningur Orkubús Vestfjarða ohf fyrir árið 2018 var samþykktur á aðalfundi félagsins í gær...

13. maí 2019

Ársfundur Orkubús Vestfjarða 2019

Opinn ársfundur Orkubús Vestfjarða verður haldinn á Hótel Ísafirði þriðjudaginn 21. maí kl. 12:00