Stafsstöðvar OV lokaðar öðrum en starfsmönnum

24. mars 2020

Til að draga úr líkum á smiti starfsmanna af COVID 19 veirunni hefur starfsstöðvum Orkubúsins verið lokað fyrir öðrum en starfsmönnum fyrirtækisins.  Viðskiptavinir geta að sjálfsögðu verið í síma- og tölvusambandi við fyrirtækið áfram.  Aðalnúmer fyrirtækisins er 450-3211 en bilanir tilkynnist í síma 450-3200.  Ýmsar þjónustubeiðnir er einfalt að senda inn í gegnum heimasíðuna www.ov.is .

Starfsemi Orkubús Vestfjarða hefur á undaförnum vikum tekið mið af viðbragðsáætlun fyrirtækisins vegna farsóttar.  Viðbragðsstigið hefur færst af óvissustigi á hættustig.  Þann 9. mars var aðgerðarstigið svo uppfært á neyðarstig.  Reynt er að halda áhrifum þessa á viðskiptavini fyrirtækisins í algjöru lágmarki, en ýmsum verkefnum sem ekki eru talin brýn verður frestað um einhverjar vikur.  Áhrifin á starfsemina innan fyrirtækisins eru margvísleg.  Starfsmönnum hefur verið skipt upp í aðskilda hópa sem ekki hittast og lokað hefur verið á milli deilda innan starfsstöðva þar sem því verður við komið.  Hluti starfsmanna vinnur heima hverju sinni og fundir eru haldnir með fjarfundabúnaði.   

25. ágúst 2021

Uppgjör orkureikninga

Nú í september og október verður farið í uppgjör í orkureikningum, en orkureikningar eru unnir...

13. maí 2021

Friðlýsingarskilmálar þjóðgarðs – þörf á upplýstri umræðu

Orkubú Vestfjarða (OV) hefur ritað sveitarfélögum á Vestfjörðum ásamt Vestfjarðastofu, bréf vegna...

30. mars 2021

Úthlutun samfélagsstyrkja Orkubús Vestfjarða 2021

Alls bárust 78 umsóknir og að þessu sinni voru veittir 53 styrkir samtals að fjárhæð kr. 5.000.000.