Á árinu 1956 hófust virkjunarframkvæmdir í Mjólká og tveimur árum seinna var 2,4 MW Pelton vél sett í gang. Í gær var hafist handa við að rífa hluta af þessari öldnu vél frá 1958 svo hægt væri að breyta pípunni og tengja inná nýju vélina. Fyrr í sumar var lokið við að steypa hana niður og eftir er að sjóða 4 metra beygjustykki frá henni til að tengja núverandi pípu sem verður notuð í einhver ár til viðbótar. Sömuleiðis á eftir að leggja alla kapla að og frá vélinni.
Stefnt er að ljúka allri grófri vinnu fyrir næstu mánaðarmót og að þurrprófun vélarinnar geti orðið um miðjan september. Gangi þetta eftir, þá ætti nýja vélin að vera komin í fullan rekstur fyrir lok september.
