Í síðustu viku voru í fyrsta sinn haldnir opnir kynningarfundir á Hólmavík og Patreksfirði í tengslum við ársfund Orkubúsins, sem haldinn var 16. maí sl. Góð mæting var á báðum stöðum og fundirnir tókust mjög vel. Almenn ánægja var meðal fundarmanna með þetta nýja fyrirkomulag.
Stjórnarformaður og orkubússtjóri sögðu frá starfsemi félagsins á liðnu ári, nýjungum í þjónustu, stöðu orkuöflunar á Vestfjörðum og svöruðu ásamt stjórnendum Orkubúsins spurningum fundarmanna.
Nokkrar umræður voru m.a. um möguleika á jarðhita til kyndingar á Drangsnesi og Hólmavík og um jarðhitasvæðið á Reykhólum og möguleikum þar til atvinnuuppbyggingar því tengdu.