Elías Jónatansson, forstjóri Orkubús Vestfjarða og Halldór Halldórsson forstjóri Íslenska Kalkþörungafélagsins undirrituðu í gær samning um lagningu jarðstrengs frá Ísafirði til Súðavíkur. Þessi strengur mun tengja nýja verksmiðju Íslenska Kalkþörungafélagsins, auk þess mun strengurinn auka afhendingaröryggi rafmagns í Súðavík verulega. Í tilefni þessa tímamóta var Björgunarsveitinni Kofra í Súðavík afhentur 500 þúsund króna styrkur, 250þ. frá hvoru fyrirtæki, sem fer upp í kaup á björgunarskipinu Þór sem kom til hafnar í Súðavík í vikunni.
Bæði strengurinn og nýja skipið mun verða mikið framfaraskref hvað varðar öryggi byggðarinnar.
