Staðan á Vestfjörðum kl 12:00

11. desember 2019

Ekki fæst rafmagn frá byggðalínunni vegna þess að ekki er hægt að spennusetja tengivirkið í Hrútatungu. Orsökin er sennilega snjór og selta í tengivirkinu en unnið hefur verið að hreinsun á virkinu síðan í morgun. Ekki er hægt að segja til um hvenær hægt verðu að spennusetja tengivirkið og þar með Vesturlínu.

Norðanverðir Vestfirðir:

Allir notendur eru með rafmagn frá varastöðinni í Bolungarvík nema hluti Önundarfjarðar en þar er bilun á sveitalínu. Viðgerðaflokkur er kominn á staðinn og unnið er að viðgerð.
Einnig er rafmagnslaust í Staðardal í Súgandafirði og er viðgerðarflokkur á leiðinni.

Ísafjarðardjúp:

Rafstöð í Reykjanesi ásamt vatnsaflsvirkjunum heldur uppi rafmagni í Djúpinu að Langadal og austanverðum Ísafirði undanskildum.

Hólmavík, Strandir, Reykhólasveit og nágrenni:

Bilun er á Drangsneslínu og er varaafl keyrt fyrir þéttbýlið á Drangsnesi. Díselvél á Hólmavík og Þverárvirkjun halda rafmagni á Hólmavík og nágrenni og suður að Stórafjarðarhorni. Nokkrir bæir í Steingrímsfirði eru án rafmagns. Rafmagnslaust er frá Broddanesi suður að Hrútatungu. Rafmagnslaust er í Árneshreppi. 
Vinnuflokkar frá Hólmavík eru að leggja af stað í bilanaleit á Hólmavíkurlínu, Drangsneslínu og í Steingrímsfirði.

Rafstöð er keyrð á Reykhólum fyrir þéttbýlið og sveitina að Geiradal en skammta þarf rafmagn þar.

Sunnanverðir Vestfirðir og Dýrafjörður:

Allir notendur eru með rafmagn frá Mjólkárvirkjun fyrir utan Rauðasandslínu. Þar var að koma inn tilkynning um bilun á Hænuvíkurhálsi og í Kollsvík og er bilanaleit hafin.

19. nóvember 2021

Orkubúið ræktar vottaðan kolefnisskóg í Arnarfirði

Orkubú Vestfjarða hefur gert verksamning við Skógræktina um ráðgjöf vegna þróunar...

25. ágúst 2021

Uppgjör orkureikninga

Nú í september og október verður farið í uppgjör í orkureikningum, en orkureikningar eru unnir...

13. maí 2021

Friðlýsingarskilmálar þjóðgarðs – þörf á upplýstri umræðu

Orkubú Vestfjarða (OV) hefur ritað sveitarfélögum á Vestfjörðum ásamt Vestfjarðastofu, bréf vegna...