Kynntu þér upplýsingamiðlun Orkubúsins fyrir jólahátíðina

19. desember 2014

Á þessu ári hafa orðið miklar breytingar á raforkukerfi Vestfjarða til hins betra. Með tilkomu nýrrar varaaflstöðvar  í Bolungarvík, nýrra aðveitustöðva í Bolungarvík og á Ísafirði auk endurbóta á dreifikerfi  hefur verið stórlega bætt úr afhendingaröryggi raforku á Vestfjörðum.  Þó er það þannig að mannanna verk, hversu góð sem þau eru,  geta sjaldnast séð fyrir öllum áhrifum náttúruaflanna.

Á þessu ári hefur Orkubúið einnig bætt stórlega úr upplýsingastreymi bæði almennt um fyrirtækið og starfsemi þess og einnig þegar óvæntir atburðir gerast í raforkukerfinu. Orkubúið reynir að dreifa  mikilvægum tilkynningum eins fljótt og mögulegt er og stöðugt er unnið að endurbótum á upplýsingastreymi fyrirtækisins.

Í rafmagnsleysi geta þeir, sem nota snjallsíma eða spjaldtölvur tengda við farsímakerfið,  lesið  tilkynningar frá fyrirtækinu á vefsvæði ov.is og á samfélagssíðum fyrirtækisins, sem eru á Facebook og Twitter, svo framarlega að farsímakerfið sé virkt.  Við viljum því biðja viðskiptavini Orkubúsins og aðra  Vestfirðinga að kynna sér vel þessa þjónustu og hvetja nágranna og vini til þess sama.

25. ágúst 2021

Uppgjör orkureikninga

Nú í september og október verður farið í uppgjör í orkureikningum, en orkureikningar eru unnir...

13. maí 2021

Friðlýsingarskilmálar þjóðgarðs – þörf á upplýstri umræðu

Orkubú Vestfjarða (OV) hefur ritað sveitarfélögum á Vestfjörðum ásamt Vestfjarðastofu, bréf vegna...

30. mars 2021

Úthlutun samfélagsstyrkja Orkubús Vestfjarða 2021

Alls bárust 78 umsóknir og að þessu sinni voru veittir 53 styrkir samtals að fjárhæð kr. 5.000.000.